ಐಫೋನ್ ಮಾರಾಟ ಕುಸಿತ: ಸಿಇಓಗೆ ಕಂಪನಿ ಕೊಟ್ಟ ಶಿಕ್ಷೆ ಏನು ಗೊತ್ತಾ..?

ಕ್ಯಾಲಿಫೋರ್ನಿಯಾ(ಜ.07): ಜಾಗತಿಕ ತಂತ್ರಜ್ಞಾನ ಕ್ಷೇತ್ರದಲ್ಲಿ ತನ್ನದೇ ಆದ ಛಾಪು ಮೂಡಿಸಿರುವ ಆಪಲ್ ಸಂಸ್ಥೆಯ ಐಫೋನ್`ಗಳ ಮಾರಾಟ ಗಣನೀಯವಾಗಿ ಕುಸಿದಿದೆ. ಈ ಹಿನ್ನೆಲೆಯಲ್ಲಿ ಆಪಲ್ ಸಂಸ್ಥೆ ಸಿಇಓ ಟಿಮ್ ಕುಕ್ ಸಂಬಳದಲ್ಲಿ ಶೇ.15ರಷ್ಟು ಕಡಿತಗೊಳಿಸಿದೆ. ಈಗಲೂ ಕುಕ್ 8.7 ಮಿಲಿಯನ್ ಡಾಲರ್ ಸಂಬಳ ಪಡೆಯುತ್ತಿದ್ದು, ಈ ಹಿಂದೆ 10.3 ಮಿಲಿಯನ್ ಡಾಲರ್ ಪಡೆಯುತ್ತಿದ್ದರು.

ಐಫೋನ್ ಮಾರಾಟದ ಆದಾಯದಲ್ಲಿ ಕುಸಿತ ಕಂಡಿರುವುದರಿಂದ ಆಪಲ್ ಸಿಇಓ ಸೇರಿ ಇತರ ಉನ್ನತ ಹುದ್ದೆಯಲ್ಲಿರುವವರ ಸಂಬಳವನ್ನ ಕಡಿತಗೊಳಿಸಲಾಗಿದೆ. ಆಪಲ್`ನ ಆದಾಯ ಶೇ.8ರಷ್ಟು ಕುಸಿದಿದ್ದು, 216 ಬಿಲಿಯನ್ ಡಾಲರ್`ಗೆ ಕುಸಿದಿದೆ. ಆಪರೇಟಿಂಗ್ ಪ್ರಾಫಿಟ್ ಶೇ.16ರಷ್ಟು ಕುಸಿದಿದೆ. 2001ರಿಂದೀಚೆಗೆ ಅಂದರೆ 15 ವರ್ಷಗಳಲ್ಲಿ ಇದೇ ಮೊದಲ ಬಾರಿಗೆ ಆಪಲ್ ಕಂಪನಿ ಆದಾಯದಲ್ಲಿ ಕುಸಿತ ಕಂಡಿದೆ.