ತಾಳಿ ಮಾರಿ ಫೈನಾನ್ಸ್ ಸಾಲ ತೀರಿಸಿದ ಮಹಿಳೆಯರು
ನೋಟ್ಬ್ಯಾನ್ನಿಂದಾಗಿ ಗ್ರಾಮೀಣ ಪ್ರದೇಶಗಳಲ್ಲಿ ಕೂಲಿ ಕೆಲಸವೂ ಸಿಗುತ್ತಿಲ್ಲ. ಸಾಲ ಸೋಲ ಮಾಡಿ ಜೀವನ ಮಾಡುತ್ತಿದ್ದವರಿಗೆ ಕೂಲಿ ಕೆಲಸ ಮಾಡಿ ಸಾಲ ಪಾವತಿ ಮಾಡೋಕೆ ಈಗ ಕೈಗೆ ಕೆಲಸವೇ ಇಲ್ಲ. ಹಾಗಾಗಿ ಅವರ ಪಾಡು ಹೇಳತೀರದು.
ಬೆಳಗಾವಿ (ಡಿ.08): ನೋಟ್ಬ್ಯಾನ್ನಿಂದಾಗಿ ಗ್ರಾಮೀಣ ಪ್ರದೇಶಗಳಲ್ಲಿ ಕೂಲಿ ಕೆಲಸವೂ ಸಿಗುತ್ತಿಲ್ಲ. ಸಾಲ ಸೋಲ ಮಾಡಿ ಜೀವನ ಮಾಡುತ್ತಿದ್ದವರಿಗೆ ಕೂಲಿ ಕೆಲಸ ಮಾಡಿ ಸಾಲ ಪಾವತಿ ಮಾಡೋಕೆ ಈಗ ಕೈಗೆ ಕೆಲಸವೇ ಇಲ್ಲ. ಹಾಗಾಗಿ ಅವರ ಪಾಡು ಹೇಳತೀರದು.
ಬೆಳಗಾವಿಯಲ್ಲಿ ಫೈನಾನ್ಸ್ ಕಂಪನಿಗಳ ಬೆದರಿಕೆಗೆ ಹಾಗೂ ಮರ್ಯಾದೆಗೆ ಅಂಜಿದ ಮಹಿಳೆಯರು ತಮ್ಮ ತಾಳಿ ಮಾರಿ ಸಾಲ ಮರುಪಾವತಿಸುತ್ತಿದ್ದಾರೆ. ಹುಕ್ಕೇರಿ ತಾಲೂಕಿನ ಕಣಗಲಾ ಗ್ರಾಮದಲ್ಲಿನ ಮಹಿಳೆಯರು ಕೆಲ ಫೈನಾನ್ಸ್ ಕಂಪನಿಗಳಿಂದ ಸಾಲ ಪಡೆದಿದ್ದರು. ಈಗ 500, 1000 ರೂಪಾಯಿ ನೋಟ್ಬ್ಯಾನ್ ಆಗಿದ್ದರಿಂದ ಮಹಿಳೆಯರಿಗೆ ಕೂಲಿ ಕೆಲಸ ಸಿಗುತ್ತಿಲ್ಲ.
ಆದರೆ ಫೈನಾನ್ಸ್ ನವರು ಮಾತ್ರ ಸಾಲದ ಹಣ ವಾಪಸ್ ನೀಡುವಂತೆ ಪೀಡಿಸುತ್ತಿದ್ದಾರೆ. ಅವಾಚ್ಯ ಶಬ್ದಗಳಿಂದ ನಿಂದಿಸಿ ಬೆದರಿಕೆ ಹಾಕುತ್ತಿದ್ದಾರಂತೆ. ಹೀಗಾಗಿ ಕೆಲ ಮಹಿಳೆಯರು ಮರ್ಯಾದೆಗೆ ಅಂಜಿ ಮಂಗಳಸೂತ್ರ, ಚಿನ್ನಾಭರಣಗಳನ್ನ ಮಾರಾಟ ಮಾಡಿ ಸಾಲ ತುಂಬುತ್ತಿದ್ದಾರೆ. ಈ ವಿಚಾರ ಈಗ ಬೆಳಗಾವಿ ಡಿಸಿ ಕಚೇರಿಗೂ ತಲುಪಿದೆ.
