ಹೆಚ್ಚು ಕೂದಲಿರುವ ಪುರುಷರೆಂದರೆ ಹುಡುಗಿಯರಿಗೆ ಇಷ್ಟವಂತೆ!
ಹುಡುಗಿಯರನ್ನು ಆಕರ್ಷಿಸುವುದಕ್ಕಾಗಿಯೇ ಜಿಮ್‌'ಗೆ ಹೋಗಿ ದೇಹವನ್ನು ಕಟ್ಟುಮಸ್ತಾಗಿ ಬೆಳೆಸಿಕೊಳ್ಳುವ ಹುಡುಗರು ಇನ್ನು ಮುಂದೆ ದೇಹದ ಮೇಲೆ ಕೂದಲು ಬೆಳೆಸುವತ್ತ ಗಮನ ಹರಿಸಿದರೆ ಗತಿ ಏನು?
ಸಮೀಕ್ಷೆ ಸಂಗತಿ
ಮೈ ತುಂಬಾ ಕೂದಲು ಹೊಂದಿ, ಅದರಿಂದ ಕಿರಿಕಿರಿ ಅನುಭವಿಸುತ್ತಿರುವಂಥ ಪುರುಷರಿಗೆ ಇಲ್ಲೊಂದು ಒಳ್ಳೆ ಸುದ್ದಿಯಿದೆ. ಹುಡುಗಿಯರು ಹುಡುಗನ ಯಾವ ಗುಣದಿಂದ ಆಕರ್ಷಿತವಾಗುತ್ತಾರೆ ಎಂದು ಕೇಳಿದರೆ, ಕೆಲವರಿಗೆ ಹುಡುಗನ ಮುಖ ಲಕ್ಷಣ ಇಷ್ಟವಾದರೆ ಇನ್ನು ಕೆಲವರಿಗೆ ಹುಡುಗನ ಸ್ಟೈಲ್‌, ಮಾತು ಹಾಗೂ ಇತರೆ ಹವ್ಯಾಸ ಇಷ್ಟವಾಗುತ್ತದೆ. ಆದರೆ, ಇಲ್ಲೊಂದು ವೆಬ್‌'ಸೈಟ್‌ ಸಂಸ್ಥೆ ನಡೆಸಿದ ಸಮೀಕ್ಷೆಯಲ್ಲಿ ತಿಳಿದುಬಂದ ವಿಚಾರವೇನೆಂದರೆ ಮೈ ತುಂಬಾ ಕೂದಲು ಹೊಂದಿರುವ ಪುರುಷನಿಗೆ ಹುಡುಗಿಯರು ಆಕರ್ಷಿತರಾಗುತ್ತಾರಂತೆ. ಮೈ ತುಂಬಾ ಕೂದಲು ಹೊಂದಿರುವಿಕೆಯು ಪುರುಷತ್ವದ ಸಂಕೇತವೋ ಇಲ್ಲವೋ ಗೊತ್ತಿಲ್ಲ. ಆದರೆ, ಕೂದಲು ಹೊಂದಿರುವ ಪುರುಷರು ಹುಡುಗಿಯರಿಗೆ ಇಷ್ಟವಾಗುತ್ತಾರಂತೆ. ಅದರಲ್ಲೂ ಎದೆಯ ತುಂಬಾ ಕೂದಲು ಇದ್ದರಂತೂ ಅವರ ಪ್ರೀತಿ ಇನ್ನೂ ಹೆಚ್ಚಾಗುತ್ತದೆ ಎಂದು ಸಮೀಕ್ಷೆ ವರದಿ ಹೇಳಿದೆ.
ಹುಡುಗಿಯರನ್ನು ಆಕರ್ಷಿಸುವುದಕ್ಕಾಗಿಯೇ ಜಿಮ್‌'ಗೆ ಹೋಗಿ ದೇಹವನ್ನು ಕಟ್ಟುಮಸ್ತಾಗಿ ಬೆಳೆಸಿಕೊಳ್ಳುವ ಹುಡುಗರು ಇನ್ನು ಮುಂದೆ ದೇಹದ ಮೇಲೆ ಕೂದಲು ಬೆಳೆಸುವತ್ತ ಗಮನ ಹರಿಸಿದರೆ ಗತಿ ಏನು? ಈ ವಿಚಾರ ಏನಾದರೂ ಮಹಿಳೆಯರ ಕೇಶತೈಲ ತಯಾರಿಸುವ ಕಂಪನಿಯವರಿಗೆ ತಿಳಿದರೆ, ಪುರುಷರ ದೇಹದ ಮೇಲೆ ಕೂದಲು ಬೆಳೆಸುವ ಕ್ರೀಮ್‌ ಅಥವಾ ತೈಲವನ್ನು ಮಾರುಕಟ್ಟೆ ತಂದರೂ ತರಬಹುದು.
epaper.kannadaprabha.in
