ಭಾರತದ ಅತ್ಯಂತ ಸಿರಿವಂತ ನಟಿಯಾಗಿದ್ದ ಇವರ ಬಳಿ ಇದ್ದಿದ್ದು ನೂರಾರು ಕೆಜಿ ಚಿನ್ನ, ಬೆಳ್ಳಿ!
ದಕ್ಷಿಣದ ಫೇಮಸ್‌ ನಟಿ ಹಾಗೂ ರಾಜಕಾರಣಿ ಜಯಲಲಿತಾ ಅವರು ಅವರ ಕಾಲದ ಅತ್ಯಂತ ಶ್ರೀಮಂತ ನಟಿ ಎಂದು ಪರಿಗಣಿಸಲ್ಪಟ್ಟಿದ್ದರು. ನಟಿಯಾಗಿ ಕೆಲಸ ಮಾಡಿದ ನಂತರದ ದಿನಗಳಲ್ಲಿ ಮುಖ್ಯಮಂತ್ರಿಯಾಗಿಯೂ ಹೆಸರು ಮಾಡಿದ ಜಯಲಲಿತಾ ಅವರು ಹೊಂದಿದ್ದ ಆಸ್ತಿ, ಚಿನ್ನಾಭರಣ, ಬಟ್ಟೆ ಬರಿಗಳ ಲೆಖ್ಖ ನೋಡಿದರೆ ಸಾಮಾನ್ಯರಿಗೆ ಶಾಕ್‌ ಆಗುವುದು ಗ್ಯಾರಂಟಿ.
ನಟಿ-ರಾಜಕಾರಣಿಯಾಗಿದ್ದ ಜಯಲಲಿತಾ ಅವರು ತಮ್ಮ ರಾಜಕೀಯ ವೃತ್ತಿ ಜೀವನದ ಉತ್ತುಂಗದಲ್ಲಿದ್ದಾಗ 1997ರಲ್ಲಿ ಭಾರತದ ಅತ್ಯಂತ ಶ್ರೀಮಂತ ನಟಿ ಎಂದು ಪರಿಗಣಿಸಲ್ಪಟ್ಟರು.
ಚೆನ್ನೈನ ಪೋಯಸ್ ಗಾರ್ಡನ್ ನಿವಾಸದ ಮೇಲೆ ದಾಳಿ ನಡೆದ ನಂತರ ಅವರ ಅಕ್ರಮ ಸಂಪತ್ತಿನ ವಿವರಗಳು ಹೊರಬಿದ್ದವು. ಕಾನೂನು ಸಮಸ್ಯೆಗಳನ್ನು ಎದುರಿಸಬೇಕಾಯ್ತು.
ಆಕೆಯ ವಿರುದ್ಧದ ಆರೋಪ ಪಟ್ಟಿಯಲ್ಲಿ ಅಧಿಕಾರಿಗಳು, ತಮಿಳುನಾಡು ಮಾಜಿ ಮುಖ್ಯಮಂತ್ರಿ ಅವರು 188 ಕೋಟಿ ರೂ.ಗಳ ಘೋಷಣೆಗೆ ವಿರುದ್ಧವಾಗಿ 900 ಕೋಟಿ ರೂ.ಗಳ ನಿವ್ವಳ ಮೌಲ್ಯದ ಆಸ್ತಿ ಹೊಂದಿರುವುದು ಬೆಳಕಿಗೆ ಬಂದಿತ್ತು.
ಜಯಲಲಿತಾ ಅವರ ನೆಟ್‌ವರ್ತ್‌ನ ಈ ಅಂಕಿ ಅಂಶವು ಐಶ್ವರ್ಯಾ ರೈ ( 800 ಕೋಟಿ) , ಪ್ರಿಯಾಂಕಾ ಚೋಪ್ರಾ (ರೂ. 600 ಕೋಟಿ), ದೀಪಿಕಾ ಪಡುಕೋಣೆ (ರೂ. 560 ಕೋಟಿ), ಮತ್ತು ಆಲಿಯಾ ಭಟ್ (ರೂ. 550 ಕೋಟಿ) ಅವರ ಪ್ರಸ್ತುತ ನಿವ್ವಳ ಮೌಲ್ಯಕ್ಕಿಂತ ಹೆಚ್ಚಾಗಿದೆ.
ಜಯಲಲಿತಾ ಅವರ ಮನೆ ಮೇಲೆ 1997 ರ ದಾಳಿಯು ಅವರ ಅಪಾರ ಸಂಪತ್ತಿನ ಸಂಪೂರ್ಣ ಪ್ರಮಾಣವನ್ನು ಬಹಿರಂಗಪಡಿಸಿತು. ಅಧಿಕಾರಿಗಳು 10,500 ಸೀರೆಗಳು ಮತ್ತು 750 ಜೋಡಿ ಶೂಗಳನ್ನು ಪತ್ತೆ ಮಾಡಿದರು.
ಆಕೆಯ ಬಳಿ 91 ವಾಚ್‌ಗಳು, 800 ಕೆಜಿ ಬೆಳ್ಳಿ ಮತ್ತು 28 ಕೆಜಿ ಚಿನ್ನ ಕೂಡ ಇತ್ತು. 2016 ರನ ಮತ್ತೊಂದು ವಿಚಾರಣೆಯಲ್ಲಿ ಜಯಲಲಿತಾ 1250 ಕೆಜಿ ಬೆಳ್ಳಿ ಮತ್ತು 21-ಕಿಲೋಗ್ರಾಂ ಚಿನ್ನವನ್ನು ಹೊಂದಿದ್ದರು.
ನಟಿ ಹಾಗೂ ಮುಖ್ಯಮಂತ್ರಿಯಾಗಿ ಜನಪ್ರಿಯರಾಗಿದ್ದ ಜಯಲಲಿತಾ ಅವರ ಮೇಲೆ ಐಟಿ ದಾಳಿಯಾದಾಗ ಎಂಟು ಐಷಾರಾಮಿ ಕಾರುಗಳು ಮತ್ತು ಒಟ್ಟು 42 ಕೋಟಿ ರೂಗಳ ನಗದು ಹೊಂದಿದ್ದರು.
1970 ರ ದಶಕದುದ್ದಕ್ಕೂ ದಕ್ಷಿಣದಲ್ಲಿ ಪ್ರಮುಖ ನಟಿಯಾಗಿದ್ದ ಜಯಲಲಿತಾ ವಾರು 1968 ರಲ್ಲಿ ಬಾಲಿವುಡ್‌ಗೆ ಪಾದಾರ್ಪಣೆ ಮಾಡಿದರು, 'ಇಜ್ಜತ್' ನಲ್ಲಿ ಧರ್ಮೇಂದ್ರ ಜೊತೆ ನಟಿಸಿದರು.
ಆ ಕಾಲದ ಪ್ರಸಿದ್ಧ ನಾಯಕಿಯಾಗಿ ಮಿಂಚಿದ ಜಯಲಲಿತಾ ಅವರು NT ರಾಮರಾವ್, ಅಕ್ಕಿನೇನಿ ನಾಗೇಶ್ವರ ರಾವ್, ಜೈಶಂಕರ್, ಮತ್ತು MGR ಸೇರಿದಂತೆ ಆ ಕಾಲದ ಪ್ರಮುಖ ತಮಿಳು ನಟರೊಂದಿಗೆ ತೆರೆ ಹಂಚಿಕೊಂಡಿದ್ದರು.
