ಮೈಸೂರಿನ ಶಿಲ್ಪಿ ಅರುಣ್ ಯೋಗಿರಾಜ್ ಅವರು ಅಯೋಧ್ಯೆಯಲ್ಲಿ ಪ್ರತಿಷ್ಠಾಪನೆಯಾದ ತಮ್ಮ ಕೈಲಿ ಒಡಮೂಡಿದ ರಾಮಲಲ್ಲಾ ಮೂರ್ತಿಯ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. 

ಯಾವುದೇ ಅಲಂಕಾರವಿಲ್ಲದ ರಾಮನ ವಿಗ್ರಹಗಳೊಂದಿಗೆ ಗರುಡನ ಕೆತ್ತನೆಯನ್ನೂ ಯೋಗಿರಾಜ್ ಶೇರ್ ಮಾಡಿದ್ದಾರೆ.

ಇದು ಹಲವು ರಿಪೋಸ್ಟ್ ಕಂಡಿದ್ದು, ಹಲವರು ಅರುಣ್ ಅವರಿಗೆ ಇಂಥ ಮುದ್ದಾದ ಬಾಲಕ್ ರಾಮ್ ಕೊಟ್ಟಿದ್ದಕ್ಕಾಗಿ ಧನ್ಯವಾದ ಹೇಳಿದ್ದಾರೆ.
 

ನೀವು ನಿಮ್ಮ ಕೆಲಸದ ಮೂಲಕ ಇಡೀ ಕರ್ನಾಟಕವೇ ಹೆಮ್ಮೆ ಪಡುವಂತೆ ಮಾಡಿದ್ದೀರಿ ಎಂದು ಮಾಜಿ ಸಚಿವ ಡಾ. ಕೆ ಸುಧಾಕರ್ ಶ್ಲಾಘಿಸಿದ್ದಾರೆ.
 

ಕಣ್ಣುಗಳು ಪ್ರಾಣ ಪ್ರತಿಷ್ಠೆಯ ಬಳಿಕ ನಿಜಕ್ಕೂ ಜೀವಕಳೆ ತುಂಬಿಕೊಂಡಿವೆ. ರಾಮ ನಮ್ಮನ್ನೆಲ್ಲ ನೋಡುತ್ತಿರುವ ಭಾವನೆ ಚೆನ್ನಾಗಿ ಮೂಡುತ್ತದೆ ಎಂದಿದ್ದಾರೆ ಮತ್ತೊಬ್ಬ ನೆಟ್ಟಿಗ.