ಜಿಯೋ ನಿದ್ದೆಗೆಡಿಸಲು ಭಾರತಕ್ಕೆ ಲಗ್ಗೆಯಿಟ್ಟ ಚೀನಾದ 'ಆಲಿಬಾಬಾ ಗ್ರೂಪ್'
ಅಂಬಾನಿಯ ರಿಲಾಯನ್ಸ್ ಜಿಯೋ ಬಳಿಕ ಇದೀಗ ಚೀನಾದ 'ಆಲಿಬಾಬಾ' ಕಂಪೆನಿ ಭಾರತದ ಟೆಲಿಕಾಂ ಕ್ಷೇತ್ರದಲ್ಲಿ ತನ್ನ ಅಲೆ ಎಬ್ಬಿಸಲು ಸಜ್ಜಾಗಿದೆ.
ನವದೆಹಲಿ(ಫೆ.09): ಅಂಬಾನಿಯ ರಿಲಾಯನ್ಸ್ ಜಿಯೋ ಬಳಿಕ ಇದೀಗ ಚೀನಾದ 'ಆಲಿಬಾಬಾ' ಕಂಪೆನಿ ಭಾರತದ ಟೆಲಿಕಾಂ ಕ್ಷೇತ್ರದಲ್ಲಿ ತನ್ನ ಅಲೆ ಎಬ್ಬಿಸಲು ಸಜ್ಜಾಗಿದೆ.
ಈ ಆಲಿಬಾಬಾ ಕಂಪೆನಿ ಭಾರತದಲ್ಲಿ ಉಚಿತ ಇಂಟರ್'ನೆಟ್ ಕನೆಕ್ಷನ್ ನೀಡುವ ಯೋಜನೆಯೊಂದನ್ನು ರೂಪಿಸುತ್ತಿದೆ. ಭಾರತದಲ್ಲಿ ಈಗಾಗಲೇ ಈ ಕಂಪೆನಿ ಯುಸಿ ವೆಬ್ ಹೆಸರಿನಲ್ಲಿ ಇಂಟರ್'ನೆಟ್ ಸಾಫ್ಟ್ವೇರ್ ಹಾಗೂ ಸರ್ವಿಸ್ ಪ್ರೊವೈಡ್ ಮಾಡುತ್ತಿದೆ.
ಆಲಿಬಾಬಾ ಕಂಪೆನಿಯ ಬಿಸ್'ನೆಸ್ ಓವರ್'ಸೀಸ್ ಅಧ್ಯಕ್ಷ ಜಾಕ್ ಹುವಾಂಗ್ ಸುದ್ದಿ ವಾಹಿನಿಯೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ಈ ವಿಚಾರವನ್ನು ಬಹಿರಂಗಪಡಿಸಿದ್ದಾರೆ. ಅಲ್ಲದೇ ಬಳಕೆದಾರರಿಗೆ ಕಡಿಮೆ ದರದಲ್ಲಿ ಉತ್ತಮ ಇಂಟರ್ನೆಟ್ ಸೌಲಭ್ಯ ಕಲ್ಪಿಸಲು ನಾವು ಪ್ರಯತ್ನಿಸುತ್ತಿದ್ದೇವೆ. ಸದ್ಯ ಈ ಕಂಪೆನಿ ಭಾರತೀಯ ಟೆಲಿಕಾಂ ಕಂಪೆನಿಗಳು ನೀಡುತ್ತಿರುವ ಉಚಿತ ಅಂತರ್ಜಾಲ ವ್ಯವಸ್ಥೆ ನೀಡುವ ಕುರಿತಾಗಿ ಅಂತಿಮ ಸುತ್ತಿನ ಮಾತುಕತೆ ನಡೆಸುತ್ತಿರುವುದಾಗಿ ತಿಳಿಸಿದ್ದಾರೆ.
ಗಮನಿಸಬೇಕಾದ ವಿಚಾರವೆಂದರೆ ಅಲಿಬಾಬಾ ಗ್ರೂಪ್ ಮಾತ್ರ ಇಂತಹ ಯೋಜನೆ ಹೊಂದಿರುವ ಮೊದಲ ಕಂಪೆನಿಯಲ್ಲ. ಯಾಕೆಂದರೆ ಈ ಮೊದಲು ಫೇಸ್'ಬುಕ್, internet.org ಹಾಗೂ ಫ್ರೀ ವೆಬ್'ಸೈಟ್ ಪ್ರಾಜೆಕ್ಟ್ ಮಾಧ್ಯಮಗಳಲ್ಲಿ ಇಂತಹುದೇ ಒಂದು ಯೋಜನೆಯನ್ನು ಪರಿಚಯಿಸುತ್ತೇವೆ ಎಂಬ ಹೇಳಿಕೆ ನೀಡಿತ್ತು.
