Asianet Suvarna News Asianet Suvarna News

ಮಲ್ಯರನ್ನು ಕಿಚಾಯಿಸಿದ ಕ್ರಿಕೆಟ್ ಪ್ರೇಮಿಗಳು

ಕಳೆದ ಭಾನುವಾರ ಭಾರತ ಹಾಗೂ ಪಾಕಿಸ್ತಾನ ನಡುವಿನ ಪಂದ್ಯ ವೀಕ್ಷಣೆಗೂ ಆಗಮಿಸಿ ಭಾರತೀಯ ಮಾಧ್ಯಮಗಳಿಂದ ವ್ಯಾಪಕ ಟೀಕೆಗೆ ಗುರಿಯಾಗಿದ್ದರು.

Vijay Mallya booed outside Oval

ಲಂಡನ್(ಜೂ.11): ದೇಶದ ರಾಷ್ಟ್ರೀಕೃತ ಬ್ಯಾಂಕ್'ಗಳಿಗೆ ನೂರಾರು ಕೋಟಿ ವಂಚನೆ ಮಾಡಿ, ಇಂಗ್ಲೆಂಡ್‌'ನಲ್ಲಿ ಬೀಡುಬಿಟ್ಟಿರುವ ಉದ್ಯಮಿ ವಿಜಯ್ ಮಲ್ಯರನ್ನು ‘ಕಳ್ಳ... ಕಳ್ಳ...’ ಎಂದು ಗೇಲಿ ಮಾಡಿದ ಘಟನೆ ಓವಲ್ ಮೈದಾನದ ಹೊರಗೆ ನಡೆದಿದೆ.

ಇಂದು ಭಾರತ ಹಾಗೂ ದಕ್ಷಿಣ ಆಫ್ರಿಕಾ ನಡುವಿನ ಪಂದ್ಯ ವೀಕ್ಷಿಸಲು ದ ಓವಲ್ ಕ್ರೀಡಾಂಗಣಕ್ಕೆ ಆಗಮಿಸಿದರು. ಈ ವೇಳೆ ಅವರನ್ನು ಕಂಡ ಕೆಲ ಪ್ರೇಕ್ಷಕರು ‘ಅಲ್ಲಿ ನೋಡಿ ಕಳ್ಳ, ಕಳ್ಳ.. ಕ್ರೀಡಾಂಗಣಕ್ಕೆ ಬರುತ್ತಿದ್ದಾನೆ’ ಎಂದು ಜೋರಾಗಿ ಕೂಗಿದರು. ಈ ಯಾವುದೇ ಪ್ರತಿಕ್ರಿಯೆ ನೀಡದೆ ಮಲ್ಯ ನೇರವಾಗಿ ಮೈದಾನ ಪ್ರವೇಶಿಸಿದರು.

ಕಳೆದ ಭಾನುವಾರ ಭಾರತ ಹಾಗೂ ಪಾಕಿಸ್ತಾನ ನಡುವಿನ ಪಂದ್ಯ ವೀಕ್ಷಣೆಗೂ ಆಗಮಿಸಿ ಭಾರತೀಯ ಮಾಧ್ಯಮಗಳಿಂದ ವ್ಯಾಪಕ ಟೀಕೆಗೆ ಗುರಿಯಾಗಿದ್ದರು. ಆ ಬಳಿಕ ಮಾಧ್ಯಮಗಳಿಗೂ ಸೆಡ್ಡುಹೊಡೆದು ಟೀಂ ಇಂಡಿಯಾ ಆಡುವ ಎಲ್ಲಾ ಪಂದ್ಯಗಳಿಗೂ ಮೈದಾನಕ್ಕೆ ಹೋಗಿ ಭಾರತ ತಂಡವನ್ನು ಹುರಿದುಂಬಿಸುವುದಾಗಿ ತಿರುಗೇಟು ನೀಡಿದ್ದರು.

 

 

Follow Us:
Download App:
  • android
  • ios