ವಾರ್ನ್ ಸಾರ್ವಕಾಲಿಕ ಶ್ರೇಷ್ಟ ಐಪಿಎಲ್ ತಂಡ ಪ್ರಕಟ
ಫೇಸ್‌'ಬುಕ್‌'ನಲ್ಲಿ ಅಭಿಮಾನಿಯೊಬ್ಬನ ಮನವಿಗೆ ಉತ್ತರಿಸಿದ ವಾರ್ನ್, ತಮ್ಮ ತಂಡವನ್ನು ಪ್ರಕಟಿಸಿದ್ದಾರೆ.
ನವದೆಹಲಿ(ಏ.22): ಆಸ್ಟ್ರೇಲಿಯಾದ ಕ್ರಿಕೆಟ್ ದಂತಕತೆ ಶೇನ್ ವಾರ್ನ್ ತಮ್ಮ ಸಾರ್ವಕಾಲಿಕ ಶ್ರೇಷ್ಠ ಐಪಿಎಲ್ ತಂಡಕ್ಕೆ ಎಂ.ಎಸ್.ಧೋನಿಯನ್ನು ನಾಯಕರನ್ನಾಗಿ ಮಾಡಿದ್ದಾರೆ. ಆದರೆ ಐಪಿಎಲ್'ನಲ್ಲಿ ಗರಿಷ್ಟ ರನ್ ದಾಖಲಿಸಿರುವ ಸುರೇಶ್ ರೈನಾ, ಎಬಿ ಡಿವಿಲಿಯರ್ಸ್ ಅವರ ತಂಡದಲ್ಲಿ ಸ್ಥಾನ ಪಡೆಯಲು ವಿಫಲರಾಗಿದ್ದಾರೆ.
ಫೇಸ್‌'ಬುಕ್‌'ನಲ್ಲಿ ಅಭಿಮಾನಿಯೊಬ್ಬನ ಮನವಿಗೆ ಉತ್ತರಿಸಿದ ವಾರ್ನ್, ತಮ್ಮ ತಂಡವನ್ನು ಪ್ರಕಟಿಸಿದ್ದಾರೆ.
2008ರ ಚೊಚ್ಚಲ ಐಪಿಎಲ್ ಆವೃತ್ತಿಯಲ್ಲಿ ರಾಜಸ್ತಾನ ರಾಯಲ್ಸ್ ತಂಡವನ್ನು ವಾರ್ನ್ ಚಾಂಪಿಯನ್ ಪಟ್ಟಕ್ಕೇರಿಸಿದ್ದರು. ಟಿ20 ಸ್ಪೆಷಲಿಷ್ಟ್ ಎಬಿ. ಡಿವಿಲಿಯರ್ಸ್ ಕೈಬಿಟ್ಟು ಜಾಕ್ ಕಾಲಿಸ್ ಅವರನ್ನು ಆಯ್ಕೆ ಮಾಡಿರುವುದು ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕ ಟೀಕೆಗೂ ಒಳಗಾಗಿದೆ. ಅಲ್ಲದೇ ಟಿ20 ಕ್ರಿಕೆಟ್'ನಲ್ಲಿ ಮೂರನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ ನಡೆಸುವ ಸುರೇಶ್ ರೈನಾ ಆಯ್ಕೆಮಾಡದಿರುವುದೂ ಕ್ರಿಕೆಟ್ ಅಭಿಮಾನಿಗಳ ಹುಬ್ಬೇರುವಂತೆ ಮಾಡಿದೆ..
ವಾರ್ನ್‌ರ ಸಾರ್ವಕಾಲಿಕ ಶ್ರೇಷ್ಠ ಐಪಿಎಲ್ ತಂಡ ಇಂತಿದೆ:
ಕ್ರಿಸ್ ಗೇಲ್, ಬ್ರೆಂಡನ್ ಮೆಕ್ಕಲಂ, ಜಾಕ್ ಕಾಲಿಸ್, ವಿರಾಟ್ ಕೊಹ್ಲಿ, ರೋಹಿತ್ ಶರ್ಮಾ, ಯುವರಾಜ್ ಸಿಂಗ್, ಎಂ.ಎಸ್.ಧೋನಿ (ನಾಯಕ), ರವೀಂದ್ರ ಜಡೇಜಾ, ಹರ್ಭಜನ್ ಸಿಂಗ್, ಲಸಿತ್ ಮಾಲಿಂಗ, ಉಮೇಶ್ ಯಾದವ್.
