ಡಿಎಂಕೆ ಪಕ್ಷದ ಉತ್ತರಾಧಿಕಾರಿಯಾಗಿ ಸ್ಟಾಲಿನ್
93 ವಯಸ್ಸಿನ ಕರುಣಾನಿಧಿಯವರು ಕಳೆದ ಹಲವು ವರ್ಷಗಳಿಂದ ತಮಿಳುನಾಡಿನಲ್ಲಿ ಡಿಎಂಕೆ ಪಕ್ಷದ ವರಿಷ್ಠರಾಗಿ ಪಕ್ಷವನ್ನ ಮುನ್ನಡೆಸಿದ್ದರು
ಚೆನ್ನೈ(ಅ.20): ತಮಿಳ್ನಾಡು ಸಿಎಂ ಜಯಲಲಿತಾ ಆಸ್ಪತ್ರೆ ಸೇರಿ 30 ದಿನಗಳಾಗಿವೆ. ಆದರೂ ಎಐಡಿಎಂಕೆಯಲ್ಲಿ ಉತ್ತರಾಧಿಕಾರಿ ಯಾರು ಅನ್ನೋ ಪ್ರಶ್ನೆಗೆ ಇನ್ನೂ ಸಿಕ್ಕಿಲ್ಲ ಉತ್ತರ. ಈ ಮಧ್ಯೆ ಡಿಎಂಕೆ ನಾಯಕ ಕರುಣಾನಿಧಿ ಪಕ್ಷದ ಉತ್ತರಾಧಿಕಾರಿ ಹೆಸರನ್ನ ಆಧಿಕೃತವಾಗಿ ಘೋಷಿಸಿದ್ದಾರೆ. ಉತ್ತರಾಧಿಕಾರಿಯಾಗಿ ಕಿರಿಯ ಪುತ್ರ ಸ್ಟಾಲೀನ್ ಅವರನ್ನ ನೇಮಕ ಮಾಡಿದ್ದಾರೆ.ಈ ಮೂಲಕ ಪಕ್ಷದ ಅಧಿಕಾರವನ್ನ ಸ್ಟಾಲೀನ್ಗೆ ಇಂದು ಹಸ್ತಾಂತರಿಸಿದ್ದಾರೆ. 93 ವಯಸ್ಸಿನ ಕರುಣಾನಿಧಿಯವರು ಕಳೆದ ಹಲವು ವರ್ಷಗಳಿಂದ ತಮಿಳುನಾಡಿನಲ್ಲಿ ಡಿಎಂಕೆ ಪಕ್ಷದ ವರಿಷ್ಠರಾಗಿ ಪಕ್ಷವನ್ನ ಮುನ್ನಡೆಸಿದ್ದರು. ಇದೀಗ ಡಿಎಂಕೆ ಪಕ್ಷದ ಜವಾಬ್ದಾರಿಯನ್ನ ಎರಡನೇ ಪುತ್ರ ಸ್ಟಾಲಿನ್ಗೆ ವಹಿಸಿ ಪಟ್ಟಾಭಿಷೇಕ ಮಾಡಲಾಗಿದೆ. ಈ ಹಿಂದೆಯೇ ಇದರ ಸುಳಿವು ಸಿಕ್ಕಿದ್ದ ಕಾರಣ ಹಿರಿಯ ಪುತ್ರ ಸಂಸದ ಅಳಗಿರಿ ಅಪ್ಪನ ವಿರುದ್ಧ ಸಿಟ್ಟಿಗೆದ್ದಿದ್ದರು. ಈ ಕಾರಣಕ್ಕೆ ಡಿಎಂಕೆ ಹೋಳಾಗುತ್ತಾ ಅನ್ನೋ ಮಾತುಗಳು ಕೇಳ್ ಬರ್ತಿವೆ.
